Legitime

Ang mag-asawang John Lloyd and Angel ay nagkaroon ng tatlong anak.  Di naglaon, nakakuha ng desisyon sa korte si Angel na pinawawalang bisa ang kanyang kasal kay John Lloyd na ang tawag ay declaration of nullity of marriage.  Dahil dito ang kanilang kasunduan sa pagmamamay-ari ng kayamanan na ang tawag ay absolute community of property ay nabuwag din.  Binigyan nila ang kanilang tatlong anak ng kanilang mana.

Si John Lloyd ay nag-asawang muli at nagkakaroon ng dalawang anak sa kanyang pangalang asawang si Shaina.  Sina John Lloyd at Shaina ay yumaman dahil sa kanilang business at nakabili ng maraming ari-arian.  Dumaan ang panahon, namatay si John Lloyd na di nakagawa ng Last Will and Testament.

Mga tanong:

Sino ang mga tagapagmana ni John Lloyd at paano hahatiin ang naiwang niyang kayamanan?

Ano ang naging epekto ng pagtanggap ng tatlong anak ni John Lloyd sa kasal niya kay Angel ng kanilang mana? May mamanahin pa ba sila kay John Lloyd sa pagkamatay niya?

Mga sagot:

Ang mga tagapagmana ni John Lloyd ay sina Shaina at ang kanilang dalawang anak.

Ayon sa batas kung ang kasal ay naideklarang walang saysay at ang ugnayang pagmamamay-ari ay nabuwag at ang mana ng mga anak ay naibigay na, ang mga tagapagmana ay wala nang tatanggapin mula sa yumao.  Sa kaso ni John Lloyd, wala nang mamanahin ang tatlong anak niya kay Angel at ang naiwan niyang kayamanan ay paghahatian nila Shaina at dalawa nilang anak na ang bawat isa ay tatanggap ng ikatlong bahagi.

Ang epekto ng pagtanggap ng tatlong anak ni John Lloyd kay Angel sa kanilang mana sa pagkabuwag ng kasal ng kanilang magulang ay wala na silang tatanggaping mana sa kanilang mga magulang sa oras ng kanilang kamatayan.