Ang natitirang
kamag-anak ni Gilbert ay ang kanyang mga kapatid na Jose and Bernie.
Si Gilbert ay gumawa
ng testamento at huling habilin na nagsasaad ng ganito: “Aking itinatalaga ang
aking kapatid na Jose bilang nag-iisang tagapagmana. Aking tinatanggalan ng mana ang aking kapatid
na Bernie dahil hindi niya ako sinuportahan noong ako ay walang wala.”
Tanong:
Pagkatapos mamatay si
Gilbert, si Bernie ba ay karapatang makibahagi sa naiwang kayamanan sa
kadahilanang ang pagtatanggal ng mana ay depektibo dahil hindi napatunayan ni
Gilbert na tunay ngang hindi sinuportahan si Gilbert?
Sagot:
Si Bernie ay walang
karapatang makibahagi sa naiwang kayamanan ni Gilbert. Hindi sa kadahilanang hindi napatunayan ni
Gilbert na tunay ngang hindi sinuportahan ni Bernie kundi dahil siya ay hindi
compulsory heir. Ang batas sa
pagtatanggal karapatang magmana ay para lamang sa mga compulsory heir. Hindi ito kailangan para sa mga voluntary
heir o legatee o devisee. Dahil si
Bernie ay isang voluntary heir, hindi na kailangang tanggalan pa siya ng
karapatang magmana. Dahil walang
compulsory heir ay wala ring legitime na pinoprotektahan ng batas. Ang resulta ay lahat ng naiwang kayamanan ay
masasabing free portion ang kabuuan na maaring ibigay ng namatay sa kanino mang
kanyang nanaisin at dapat na nakasaad sa kanyang testamento at huling habilin.
Walang komento:
Mag-post ng isang Komento