Operator's civil liability

Isang pasahero ng taxi ay sinadyang patayin ng driver nito.  Ang operator ba ng nasabing taxi ay may civil liability sa pangyayari?

Ayon sa Article 1759 ng Civil Code ang pampasaherong sasakyan (common carrier) ay may pananagutan sa kamatayan o sugat ng mga pasahero dahil sa kapabayaan or sadyang kilos ng mga emplyeado nito kahit ang nangyari ay labag sa kautusan ng may-ari ng pampasaherong sasakyan o lumabis sa kautusan nito.  Ang civil liability na ito ay hindi nawawala kahit may ibidensiya ang may ari ng pampasaherong sasakyan ay hindi nagpabaya sa pagpili at pagbantay sa gawain ng kanyang mga empleyado.

Ang pananagutan ng may-ari ng pampasaherong sasakyan ay hindi base sa paglabag sa batas (delict) or quasi-delict.  Ang pananagutan ng may-ari ng pampasaherong sasakyan ay primary at hindi maaaring alisin o bawasan sa pamamagitan ng kasunduan.