Kasalan at hiwalayan

Sikat na artistang Pinoy at kanyang Pinay leading lady pumunta nagshooting sa Las Vegas, Nevada, USA ay nagka-in-love-an at nagpakasal doon.

Bago matapos ang shooting, na-fall out of love na sila kaya nagdivorce din doon sa Las Vegas. Nevada.

Tanong:

Pag-uwi sa Pilipinas, puwede pa bang pakasalan ni Sikat na artistang Pinoy ang kanyang non-showbiz girlfriend na naiwan sa Pilipinas?

Hindi na maari.  Habang ikaw ay Pilipino susunod sa iyo ang pagka-Pilipino saan ka man magpunta.  Dahil ikaw ay Pilipino ang batas ng Pilipinas ay susunod sa iyo saan ka man magpunta.

Ayon sa private international law, ang kasal ng Pilipino sa ibang bansa ay valid kahit ginawa sa labas ng bansa at kahit ginawa ayon sa formality ng kasal sa ibang bansa. Kaya lang ang divorce nila sikat na artistang Pinoy at Pinay leading lady sa Las Vegas kahit valid doon ay hindi valid sa Pilipinas sa kadahilanang walang batas ng divorce sa Pilipinas at sumunod sa kanila ang batas ng Pilipinas saan man sila magpunta.