Psychological incapacity

Dahil si Sarah ay buntis na, sila ni Gerard ay ikinasal sa bahay ng magulang ni Sarah ng isang pastor na protestante. Meron silang tig-tatlong ninong at ninang na dumalo sa nasabing kasalan.

Pagkatapos ng kasal, madalas sinasaktan ni Gerard si Sarah lalo na kung lasing kung umuwi galing sa trabaho.  Dahil ang inatupag ay ang pagbabarkada, hindi nagkaroon ng permanenteng trabaho si Gerard.  Tiniis ni Sarah ang ganitong sitwasyon para sa kapakanan ng kanilang dalawang anak.

Minsang umuwing lasing si Gerard, nag-away sila ni Sarah na noon ay buntis sa pangatlo nilang anak at sinakal ni Gerard ang kanilang pangalawang anak na isang taong gulang.  Habang hawak ang leeg ng bata, sinabi ni Gerard na pabigat sila na buhay niya.

Hindi na makatiis si Sarah at gusto na niyang hiwalayan si Gerard.

Tanong:

Kung magsampa ng kasong annulment of marriage ayon sa Article 36 ng Family Code si Sarah, makakuha kaya siya ng favorableng desisyon?

Sagot:

Kung maliban sa salaysay ni Sarah ay matunayan ng hukuman na taglay ni Gerard ang walang kakayanan na gampanan ang papel bilang asawang lalaki dahil sa isang depekto sa pagkatao na pinatunayan ng isang psychologist, ang kasalang Sarah at Gerard ay maaaring mapawalang bisa.