Martes, Hulyo 10, 2012

Specific performance


Sa isang dokumento ng bentahan ng ari-arian, nakasaad na ang bumibili ay magpapatayo ng komersyal building sa lote habang ng nagbebenta naman ay gagawa ng isang daanan karatid ng lote.  Ang komersyal building ay natapos ngunit ang nagbebenta ay nabigong gawin ang daanan dahil sa mga squatter na kilalang nandon na noong ginawa ang kontrata at tumangging lisanin ang lugar.  Sa katunayan, bago ang pagpapatupad, ang nagbebenta ay nagfile ng kasong ejectment laban sa mga squatter.
Ang bumibili ay nagsampa ng kaso laban sa nagbebenta ng specific performance at damages.  Ang depensa ng nagbebenta ay ang obligasyong gumawa ng daanan ay dapat sakop ng panahon na hindi pa naitalaga kaya kailangang magsampa ng kaukulang kaso para italaga ang panahon.

Tanong:
Ang kasong specific performance na isinampa ng bumibili laban sa nagbebenta ay magtatagumpay?

Sagot:
Hindi, ang kasong specific performance na isinampa ng bumibili ay premature ayon sa itinatadhana ng Article 1197 ng Civil Code.  Kung ang panahon ay hindi naitalaga ng mga partido sa kontrata, kailangan nilang magtalaga ng panahon, kung hindi sila magkakasundo, kailangang magsampa ng kaso para italaga ng korte ang panahon tulad ng maaring napagkasunduan ng mga partido sa kontrata.  Bago maitalaga ang panahon ang kasong specific performance ay wala sa tamang panahon.

Miyerkules, Hulyo 4, 2012

Lease to own


Si Oliver ay may-ari ng copying machine ay ipinarenta kay Larry sa halagang P4,000 bawat buwan sa loob ng isang taon. Si Larry ay may karapatang bilhin ang copying machine sa katapusan ng taon sa halagang P80,000 na mabayaran ginagamit ang renta kaya sa huli ang babayaran na lang niya ay P32,000.

Hindi nakapagbayad ng renta si Larry sa ika-apat ika-lima at ika-anim na buwan kaya pinutol ni Oliver ang kontra at binawi ang copying machine.  Kinasuhan din niya si Larry para kolektahin ang tatlong buwang rentang hindi nabayaran.

Tanong:
Tama ba ang kasong isinampa ni Oliver?

Sagot:
Ang kaso ay hindi tama.
Ayon sa tuwirang itinadhana ng Article 1485 ng Civil Code, ang naunang article (Article 1484) ay ginagamit para sa mga kontratang mukhang renta ng personal property na may karapatang bilihan noong kinuha ng nagrerenta ang copying machine.  Noong binawi ang copying machine, wala nang kaso na maaaring isampa si Oliver laban kay Larry para bawiin ang mga rentang hindi nabayaran.

Ang sagot ay ayon sa Recto Law (Articles 1484, No. 3 and 1485 ng Civil Code) at and desisyon ng Kataastaasang Hukuman sa U.S. Commercial Co. vs. Halili (93 Phil 371).

Huwebes, Hunyo 21, 2012

Recovery of stolen item


Si Jeana ay may-ari ng isang painting na ninakaw mula sa kanyang bahay.  Ang pagnanakaw ay nasumpong sa may kinauukulan.  Makalipas ang isang taon, nakita ni Jeana ang painting na nakasabit sa opisina ni Elmer.  Nang tanungin si Elmer, sinabi niyang nabili niya ito sa subastahan.  Ang painting ay walang dudang nakilala na siyang ninakaw mula sa bahay ni Jeana.

Mga tanong:
  1. Maaari bang mabawi ni Jeana ang painting?  Kung mababawi niya, mababawi ba ni Elmer yong halagang ibinayad niya para dito?
  2. Halimbawang sa kaibigan ni Elmer niya ito nabili, mababawi ba ni Jeana ang painting at mababawi ba ni Elmer ang pinambayad niya para dito?
Mga sagot:
  1. Ayon sa Article 559 ng Civil Code, maaaring bawiin ng may-ari ang painting at hindi maaring bawiin ng nakabili ng nakaw ang kanyang ibinayad para dito.  Sa kaso ni Jeana at Elmer, mababawi ni Jeana ang painting ngunit hindi mababawi ni Elmer ang halagang ipinambayad niya para dito.

  1. Ayon pa rin sa Article 559 ng Civil Code, maaaring bawiin ng may-ari ng painting at kung ang ito ay nabili sa subastahan.  Sa kaso nila Jeana at Elmer, mababawi ni Jeana ang painting mula sa may hawak sa kasalukuyan ngunit mababawi nito ang pinambayad.

Biyernes, Hunyo 8, 2012

Who is liable?


Si Atong ay may-ari ng pampasaherong jeep na nasangkot sa isang aksidenteng banggaan sa isang truck ng gulay na nagresulta sa pagkamatay ng apat na pasahero at pagkasugat ng tatlo.  Noong naganap ang aksidente, si Atong ay kasal kay Mayyang ngunit nakikisama parang mag-asawa kay Toyang.

Tanong:
Ang mga tagapagmana ba ng mga namatay na pasahero at mga nasugatan ay maaring humingi ng danyos kay: (a) Atong? (b) Mayyang? (c) Toyang?

Sagot:
Kay Atong – Maaring humingi ng danyos ang mga tagapagmana ng mga namatay base sa culpa contractual.  Kung ang mga nasaktan ay mga pasahero din, si Atong ay kailangan magbayad ng danyos ayon sa culpa contractual. Ngunit kung hindi sila mga pasahero, ang basehan ng kanilang paghingi ng danyos ay quasi-delict.

Kay Mayyang – Ayon sa batas at desisyon ng Kataastaasang Hukuman, ang naipundar ng asawang lalaki habang nakikisama sa iba ay maituturing na conjugal property.  Sa kaso ni Atong at Mayyang, silang dalawa ay mananagot sa danyos sa mga pasahero dahil ang pampasaherong jeep ay kanilang conjugal property.

Kay Toyang – Ayon sa batas at desisyon ng Kataastaasang Hukuman, ang naipundar ng asawang lalaki habang nakikisama sa iba ay maituturing na conjugal property ng lalaki at ang kanyang legal na asawa.  Ang kinakasamang babae ay hindi maituturing na co-owner sa mga pagmamamay-aring maipundar nila ng lalaki.

Linggo, Hunyo 3, 2012

Partnership


Sina Tito, Vic and Joey ay nagkasundong maging partner sa isang kompanyang ang pangalan ay “Times Lumber”.  Naglaon, si Tito ay pinahintulutang umalis bilang partner at ang partnership ay namatay.  Subalit, ipinagpatuloy nila Vic at Joey ang negosyo ng “Times Lumber” na walang pagtutol sa panig ni Tito.  Ang pagtiwalag ni Tito sa partnership ay hindi nalathala sa mga pahayagan.

Tanong:
Maaari bang managot si Tito sa mga pagkakautang ni Vic at Joey sa negosyo ng “Times Lumber” kahit siya ay tumiwalag na sa partnership?

Sagot:
Ayon sa Batas, ang isang partner na tumiwalag sa partnership ay maaaring panagutin sa pagkakautang ng partnership kung hindi siya tumutol sa pagpapatuloy ng negosyo at ipagpapatuloy ang paggamit ng pangalan ng kompanya at hindi nalathala sa pahayagan na may tumiwalag na partner.

Si Tito ay maaaring panagutin sa mga pagkakautang ng “Times Lumber” kahit siya tumiwalag na dahil ang akala ng mga nakitransaksyon sa “Times Lumber” na kasama pa rin siya.

Ngunit sa kanilang tatlo, si Tito ay hindi na kasama sa partnership kaya anumang naibayad niya sa mga supplier sa pagkakautang ng “Times Lumber” ay maaari niyang singilin mula kay Vic at Joey.

Huwebes, Mayo 31, 2012

Correction of entry


Gusto ni Celso Wee na ayusin ang maling information sa kanyang birth certificate sa isa sa kanyang anak na lalaking si Celso, Jr. isinasaad na siya ay isang Chinese at hindi Filipino.  Kasama sa mga ebidensiya hawak ni Celso Wee ay kanyang sariling birth certificate na nagsasabing siya ay Filipino, ang birth certificate ng kanyang ibang anak na nagsasaad na sila ay mga Filipino at isang desisyon ng hukuman na ang kanyang ama (lolo ni Celso, Jr.) ay Filipino.

Mga tanong:
(a)  Anong kaso ang kailangan isampa ni Celso para maisaayos ang maling informasyon sa birth certificate ng kanyang anak?
(b)  Sino ang mga partido sa kaso?

Mga Sagot:
(a)  Si Celso kailangang magsampa ng isang Petition na kailangang litisin sa korte upang maisaayos ang maling informasyon sa birth certificate ng kanyang anak.  Ayon sa isang desisyon ng Kataas-taasang Hukuman, sa kasong pinamagatang Republic of the Philippines vs. Valencia, ay hindi lang simpleng mga pagkakamali ang maaaring paksa ng kaso kundi mga matitinding pagkakamali rin tulad ng apelyido, citizenship at kasarian.

(b)  Ang mga partido sa Petition sa pagsasaayos ng maling informasyon sa birth certificate ay ang Civil Registrar kung saan nakarehistro ang kanyang birth certificate ang lahat ng mga taong apektado o may interest sa paksa ng petition kasama ng Solicitor General.

Miyerkules, Mayo 30, 2012

Contract of Option


Si Quirino ay may-ari ng bahay at lupa sa Quezon City ay nagbigay ng option kay Romero para bilhin ang nasabing ari-arian sa loob ng siyamnapung araw mula May 1, 2011.  Nagbigay si Romero kay Quirino ng P1.00 bilang option money.  Bago matapos ang siyamnapung araw, pumunta si Romero kay Quirino upang bilhing ang nasabing ari-arian at ibigay ang perang pambili ngunit ayaw tanggapin ni Quirino kahil mayroon ibang taong gustong bilhin ang kanyang bahay at lupa sa halagang P150,000.00 at saka wala daw sapat ng kabayaran iyong option.  Nagsampa ng kaso si Romero para pilitin si Quirino na tanggapin ang bayad at pumirma sa Deed of Sale pabor sa kanya.


Tanong:
Magtatagumpay ba ang kasong isinampa ni Romero?

Sagot:
Si Quirino ay maaring utusan ng korte na tanggapin ang bayad na P100,000 at pumirma sa deed of sale pabor kay Romero.  Ang rason ay mayroong nabuong kontrata ng bentahan.

Ayon sa batas, mayroong unilateral na action si Quirino upang ipagbili ang kanyang bahay at lupa.  Para sa layuning iyon, binigyan niya si Romero ng opsyon na siyamnapung araw mula sa May 1, 2011 para mag-isip kung bilhin niya ito o hindi. Ang bayad sa opsyon ay P1.00.  Dahil may bayad ang opsyon, si Quirino ay nakatali sa kanyang pangako na ibenta kay Romero sa loob ng siyamnapung araw.  Sa loob ng panahon ng option nakapagdesisyon si Romero na tuparin ang option.  Samakatuwid, merong nabuong kontrata ng pagbebenta.